Новости

Нов тест за детекција на херпес - Се смета дека околу 60 до 95% од возрасните во светот се инфицирани од вирусот кој предизвикува херпес. Доколку неговото присуство се детектира на време тогаш може да се пристапи кон успешна примена на терапевтски методи. Но, за ова да биде можно потребни се и брзи и ефикасни тестови. Неодамна Gil Lee и соработниците од University College Dublin успеале да развијат тест за оваа намена кој е базиран на наночестички сочинети од железо оксид кои се прекриени со пептид кој овозможува успешно да навлезат во вирусот.

Линоленската и докосахексаедонската киселина значително влијаат врз интелигенцијата на вашите деца - Омега-3-докосахексаедонската киселина е масна киселина која се наоѓа во некои видови риби и јаткасти плодови. Според научниците од University of Pittsburgh (САД) концентрацијата на оваа масна киселина во мајчиното млеко корелира со поените кои нивните деца во иднина ќе ги покажат на тестовите на интелигенција. Во истражувањето било анализирано мајчиното млеко од жени кои живеат во 28 различни земји и резултатите кои нивните деца ги добиле на стандардизиран тест на интелигенција. Спротивно на ова, линоленската киселина која е присутна во производите од пченка и соја укажува на пониски резултати во изведените тестови.

Нобелова награда за хемија за 2014 година - Оваа година Новеловата на града за хемија ја добија Eric Betzig (САД), Stefan W. Hell (Германија) и William E. Moerner (САД) за развојот на флуоресцентна микроскопија со суперрезолуција со што се овозможува анализа на наноматеријали со димензии помали од границите кои ги поставува дифреакцијата.

Совети за намалување на веројатноста за појава на рак на простатата - Ракот на простатата е многу чест кај мажите во целиот свет. Иако е познато дека начинот на живот и исхраната влијаат врз појавата на оваа форма на рак, до неодамна не беа познати деталите поврзани со исхраната. Во намера да се објасни влијанието на исхраната врз појавата на оваа форма на рак научниците од University of Bristol во Велика Британија направиле студија која била изведена врз 1806 пациенти кои имале рак на простатата и 12005 здрави испитаници. Еден од наодите на истражувањето е дека поголемата консумација на зеленчук и овошје е поврзана со намалена намалена фреквенција на појавување на ракот. При тоа научниците заклучуваат дека посебно е важно количеството на консумирани домати.

Погледнета во каква состојба е Curiosity - роверот на NASA после две години на црвената планета - Доколку го одберете горниот линк преку серија од фотографии ќе може да го забележите постепеното стареење на роверот во текот на својот двегодишен престој на Марс.

Целосна синтеза на виридикатумотоксин-Б - антибиотик кој до сега се добиваше само од габи - Научниците од Rice University успеале да развијат постапка за целосна синтеза на виридикатумотоксин-Б – потентент антибиотик кој претходно можеше да биде изолиран само од еден вид на габи. Постапката за синтеза на ова соединение би можела во иднина да доведе до синтеза на нова серија на антибиотици за борба против заболувања предизвикани од бактерии кои се отпорни на постојните лекарства.

Дали феминизацијата е одговорна за создавањето на модерниот човек? - Антрополозите од Duke University врз основа на анализата на 1400 древни и современи черепи заклучилте дека намалувањето на нивото на тестостеронот кај луѓето довело до појавата на модерниот човек. Овие научници велат дека иако модерниот човек се појавил пред 200.000 години, веројатно појавата на мутација во ДНК, пред околу 50.000 години довела, до намалување на нивото на тестостеронот, а со тоа настанало подобрување на говорот, консумацијата на готвена храна и други еволутивни предности.

Потеклото на флуорот во вашата паста за заби - Флуорот може да се најде во производите кои секојдневно се користат како што се пасти за заби, гуми за џвакање и сл. До сега постоеја три теории за настанокот на овој елемент за тоа каде настанува овој елемент. Наодите неодамна презентирани од шветските научници од Универзитетот во Лунд и нивните соработници од САД укажуваат на тоа дека, најверојатно, овој елемент настанал во внатрешноста на ѕвезди со големина слична на големината на нашето Сонце.

Хемиска проверка на квалитетот и на фалсификувањето на кафето - Во Бразил неодамна е развиен тест со кој може да се детектира фалсификувањето на кафето – односно дали кафето кое се продава е измешано со друг вид на многу поефтино кафе. За голем број на други пијалаци постојат повеќе методи за оваа намена, но не и за кафето. Детектирањето на фалсификувањето на кафето е многу тешко зашто откако ќе се испечат и иситнат зената визуелно тоа не е можно. За оваа намена научниците од Бразил развиле хроматографска метода со која врз основа на квантификување на јаглехидратите може да се провери квалитетот на меленото кафе.

Ботоксот може да послужи во борбата против рак на стомакот - Дали уништувачот на брчки може да се бори против ракот? Стомачниот рак е петти според фреквенцијата на појавување во светот и тешко се третира. Хемотерапијата, често пати, не е доволна за да го сопре растењето на туморот, но изгледа дека тука може да помогнат инекциите на ботокс. Оваа идеја е предложена и развиена од група од научници од Columbia University предводена од Timothy Wang, a резултатите се публикувани во списанието Science.

Зголемената концентрација на D витаминот на зголемува веројатноста за забременување - Витаминот D претставуа стероди кој се раствора во масти. Тој ја регулира апсопцијата на минерали (Zn, Ca, фосфати и др.). Според наодите на истражувачите од Италија кусокот на витамин D во организмот може да ја намали веројатноста за забременување. Истражувањето било изведено врз 480 жени кај кои било извршено in vitro оплодување. Анализата на резултатите покажала дека најголема е веројатноста за забременување кај жените кај кои концентрацијата на овој витамин е поголема од 30 ng/mL.

Рибите изложени на лекови против анксиозност се поиздржливи - Рибите кои биле изложени на некои од вообичаените анти-анксиозни лекарства се поактивни и имаат поголеми можности за преживување од рибите кои не биле изложени се вели во една студија неодамна објавена во списанието Environmental Research Letters. Студијата е направена од истражувачи од Umeå University (Шветска). Овие истражувачи во своите резултати додаваат дека, често пати, со примена на стандардните методи за испитување на влијанието на лековите врз животната средина многу повеќе внимание им се посветува на негативните ефекти.

Лесна синтеза на метанол од јаглерод диоксид - Метанолот е важна суровина во индустријата која обично се синтетизира од H2, CO2 и CO при високи температури и притисоци. Долго време хемичарите се обидувале да најдат поевтин начин на синтеза на ова соединение, меѓу другото и поради тоа што со овој процес би можело да се отстранува и CO2 од атмосферата. José A. Rodriguez и соработниците, од Brookhaven National Laboratory (САД) упеале да развијат два типа на катализатори кои содржат бакар, цериум и титан со кои дибивањето на метанолот во голема мерка се поевтинува. Резултатите од истражувањето се публикувани во реномираното списание Science. (За пристап пoтребно е да се регистрирате)

Пресуда за шеќерот - Шеќерот е токсичен! На мастите и на натриумот им посветуваме толку многу време, а тие се всушност помалото зло во нашата исхрана. Новите докази покажуваат дека шеќерот и можеби вештачките засладувачи веројатно се причина за високиот крвен притисок високиот холестерол, срцевите заболувања, дијабетесот и заболувања на црниот дроб. Се повеќе научници сметаат дека шеќерот е во перголема употреба во секојдненивот живот и го нарекуваат „најдемонизиран адитив на храната“.

Шест бизарни геолошки формации кои ќе станат почести со голбалното затоплување - Дали ќе дојде до глобално затоплување или не зависи во најголема мерка од тоа што ќе преземе човештвото. Доколку сепак не собереме сили да се справиме со климатските промени, Richard Alley од Penn State University во University Park вели дека некои геолошки формации ќе станат почести на Земјата. Повеќе за овие геолошки формации ќе може да прочитате на станицата на NewScientist доколку го изберете горниот линк.