Новости

Како ХИВ вирусот успева да преживее? - ХИВ инфекцијата може да истрае и покрај третманот, бидејќи вирусот останува неактивна внатре во ќелиите, повторно подготвен за размножување откако терапија ќе престане. Сега, истражувачите откриле дека стем клетките кои се развиваат во имунолошки клетки претставуваат важен за резервоар на вирусот. Овие клеточни резервоари се отпорни на имунолошкиот одговор на организмот и на високо активна антиретровирусна терапија (HAART) која се применува врз пациентите. Тоа значи дека вирусот може да ги нападне белите крвни клетки познат како CD4+ Т лимфоцити - кои му помагаат на телото да го подобри имунолошкиот одговор - по третман.

Суперпроводниците стануваат органски - Откривањето на јаглеводородни високотемпературни суперпроводници кои се темелат на графен, претставуваат нова класа на органски суперптоводници која се појавува по повеќе од една деценија, а поседува потенцијал за скоро безброј комбинации со кои на ова поле може да се направи значителен напредок. Истражувачите предводени од Јапонецот Yoshihiro Kubozono (професор по површинска хемија) велат дека кристали од пиецен (планарни молекули сочинети од 5 кондензирани бензенови прстени) стануваат суперпроводливи на 18 K. Оваа температура е многу ниска во споредба со температурите на други суперпроводници (повисоки од 100 К). Ова претставува можност за поголем удел на хемиските истражувања на полето на суперпроводливоста кое до сега се наоѓа претежно во рацете на физичарите.

Зошто телото не покажува жед во текот на ноќта? - Внатрешниот часовник на телото e помогнат од хормоните при регулацијата на количеството вода кое се троши во текот на сонот. Со тоа дехидрација, или одењето во тоалет, во текот на секоја ноќ не се неопходни, велат најновите истражувања. Во статијта објавена во Nature Neuroscience неврофизиолозите Ерик Trudel и Charles Bourque од Research Institute на McGill University Health Centre во Монтреал, Канада, предложиле механизам за тоа како внатрешниот часовник на телото, ја контролира потрошувачката на вода. Овие научници сметаат дека ослободувањето на хормонот вазопресин е одговорно за скларидањето на водата во текот на ноќта.

Биогорива без користење на специјализирани фарми - Научниците во САД пронашле метод за рециклирање земјоделски отпад и добивање од него на алкени кои може да се користат како гориво за авиони на млазен погон. Важноста на ова откритие е во тоа што биогоривата добиени на ваков начин не се темелат врз користење на фарми за таа намена - кои инаку би можело да се користат за производство на храна.

Антимон во сокови? - Високи концентрации на антимон се најдени во повеќе овошни сокови велат европските научници. Антимонот е есенцијален елемент и последиците од долготрајна изложеност на антимон се непознати. Постојат сомневања дека антимон триоксидот е канцерогена супстанца. Тој се користи како катализатор при произодство на ПЕТ производите кои се користат како амбалажа. Некои научници сметаа дека високото ниво на антимон во некои од соковите се должи на екстрахирачката моќ на лимонската киселина која во соковите се додава како конзерванс.

Анализата на ДНК укажува на миграции кон Новиот свет од пред 5500 години - Од комплетното секвенционирање на ДНК од коса од индоген човек од Гренланд, научниците од Данска покажале дека миграции кон Новиот свет постоеле и пред околу 5500 години. Претходно се сметаше дека арктичките делови на денешна Канада за населувани во педиодот до пред крајот на последното ледено доба (пред околу 11.000) било можно да се премине од она што денес претставува краен исток на Русија и Алјаска.

Новите германски планови за поддршка на развојот на возила кои ќе како гориво ќе користат водород - Додека американската администрација се договара околу тоа дали да се поддржи развојот на возила и на инфраструктура за возила кои како гориво ќе користат водород во САД првите возила на водород се очекува да се јават во 2015 година. Во меѓувреме, во знак на поддршка на оваа идеја која, помеѓу другото, има за цел и да се намали користењето на фосилните горива, Daimler AG во соработка со германската влада, во Вашингтон, САД неодамна најавија дека ќе продолжат со поддршката и развојот на новите автомобили и за нив потребната инфраструктира.

Брокулите го забавуваат развојот на ракот - Најчестиот вид на рак кај луѓето е ракот на кожата, кој често пати е предизвикан од ултравиолетова светлина. Избегнувањето на изложување на УВ зрачење и користење на креми за сончање е најдобар начин за превенција од ракот, но за многумина штетата веќе е направена. За намалување на штетните ефекти од претходната изложеност на ултравиолетовите зраци треба редовно се јаде брокула, вели Албена Динкова-Костова од John Hopkins University, Балтимор.

Наука со отворен пристап за заборавената болест - Matthew Todd од University of Sydney се надева дека ќе ги убеди хемичарите во целиот свет да ги споделат лабораториите, времето и сопствената стручност во еден заеднички напор да најдете евтина и ефикасна синтеза на лекот парзиквантел. Сите резултати ќе бидат објавувани реално време на веб-сајтот на проектот - слободен од ограничувањата на интелектуална сопственост - а подоцна и во списанија, при што соработниците кои ќе имаат значителен удел ќе станат автори на секоја публикувана статија. Проектот на Todd се однесува на изнаоѓање на лек за борба против шистосоматоза болест која е подзаборавена, а од која страдаат околу 200 милиони луѓе во Африка, Азика и Јужна Америка. Проектот е финансиран од страна на Австралиската влада и од Светската здравствена организација.

Расветлување на мистериите на минатото со раманска спектроскопија - Во вторник на 16 февруари во 12 часот на Интитутот за хемија при ПМФ во Скопје професорот Howell G.М. Edwards од Универзитетот во Брадфорд, Велика Британија ќе одржи предавање под наслов Раманска спектроскопска анализа на уметнички и археолошки предмети за заштита на културното наследство: Расветлување на древните мистерии. Организаторите велат долку сте заинтересирани - добредојдени сте!

Прогестерон во растенијата - За прв пат, истражувачите имаат добиено непобитливи докази дека прогестеронот, стероиден хормон кој се јавува кај цицачите, може да го синтетизираат и растенијата. Многу истражувачки групи укажуваа на присуство на прогестеронот во растенијата - соединението може да се синтетизира од прекусори кои може да се најдат во растенија како на Мексико Јам. Во текот на потрагата по цитотоксична супстанци во лисја од ореово дрво, Guido F. Pauli и неговите колеги од University of Illinois во Чикаго изолирале мали количества на прогестерон и го докажале соединението со употреба на комбинација на масена спектрометрија и нуклеарна магнетна резонанца. Во друго растение, тимот откри нови сулфатни соединенија на прогестеронот.

Намалување на бројот на работни места за истражување и развој во големите фармацевтски фирми - Во обид за да ги подобрат продуктивноста и да го неутрализирааат на влијанието на конкуренцијата која произведува генерички лекови, големите фармацевтски компании GlaxoSmithKline, AstraZeneca и Pfizer с? повеќе се одлучуваат за намалување на нивните внатрешни истражувачки капацитети. Како дел од објавата на заработка минатата недела од GSK беше речено дека сакаат да ги намалат за 800 милиони долари сопствените трошоци до 2012 година, половина од таа сума треба се добие со намалување на трочоците во одделите истражување и развојот. Иако од компанијата не се специфицира колку работни места ќе се намалат, сепак се вели дека најголемиот дел од заштедите ќе побараат во „намалување на трошоците во инфраструктурата.“

ХИВ инфекциите влијаат врз побрзото стареење на мозокот - Ова го тврдат научниците од Washington University во St. Louis и од University of California во San Diego. Протокот на крвта, велат резултатите од истражувањето (публикивано во The Journal of Infectious Diseases), кај пациентите инфицирани со ХИВ вирусот е намален и е на ниво како кај пациенти кои се 15 до 20 години постари. Во истражувањето се вели дека помеѓу 14 и 18 проценти од сите пациенти со СИДА во САД се на постари од 50 години. Оваа група на пациенти, исто така, е и група со најголем пораст на бројот на инфекции.

Детекција на кокаин со гел - Научниците од Кина успеале да добијат гел кој многу лесно бојата може да ја промени од црвена или сина во безбојна во присуство на мали количества на кокаин - без да треба да се прават пософистицирани анализи. Гелот е составен од полимерни ланци кој меѓи себе се поврзани со со апамери (кратки пептиди кои се синтетизираат за да може да се зврзат со дадениот аналит). Во овој случај изтражувачите користеле апамери за кои силно може да се сврзи кокаинот.

Потврдено е „реликтите“ на Јованка Орлеанка се лажни! - Јованка Орлеанка е една од светците заштитници на Франција. Тоа што се сметаа за посмртни остатоци на оваа храбра жена која на времето била обвинета за ерес и била спалена на клада, неодамна се покажа дека не и припаѓаат неа. Всушност, со медицински, патолошки, генетски, биохемиски, зоолошки и археолошки методи на истражување било покажано дека тоа што некогаш се сметало дека се посмртни остатоци на Јованка Орлеанка, се всушност коски кои потекнуваат од човек и од мачка, а по потекло се од третиот век пред нашата ера од Египет. Резултатите од истражувањето биле неодамна публикувани во списанието Forensic Science International.