Новости

Намалување на бројот на работни места за истражување и развој во големите фармацевтски фирми - Во обид за да ги подобрат продуктивноста и да го неутрализирааат на влијанието на конкуренцијата која произведува генерички лекови, големите фармацевтски компании GlaxoSmithKline, AstraZeneca и Pfizer с? повеќе се одлучуваат за намалување на нивните внатрешни истражувачки капацитети. Како дел од објавата на заработка минатата недела од GSK беше речено дека сакаат да ги намалат за 800 милиони долари сопствените трошоци до 2012 година, половина од таа сума треба се добие со намалување на трочоците во одделите истражување и развојот. Иако од компанијата не се специфицира колку работни места ќе се намалат, сепак се вели дека најголемиот дел од заштедите ќе побараат во „намалување на трошоците во инфраструктурата.“

ХИВ инфекциите влијаат врз побрзото стареење на мозокот - Ова го тврдат научниците од Washington University во St. Louis и од University of California во San Diego. Протокот на крвта, велат резултатите од истражувањето (публикивано во The Journal of Infectious Diseases), кај пациентите инфицирани со ХИВ вирусот е намален и е на ниво како кај пациенти кои се 15 до 20 години постари. Во истражувањето се вели дека помеѓу 14 и 18 проценти од сите пациенти со СИДА во САД се на постари од 50 години. Оваа група на пациенти, исто така, е и група со најголем пораст на бројот на инфекции.

Детекција на кокаин со гел - Научниците од Кина успеале да добијат гел кој многу лесно бојата може да ја промени од црвена или сина во безбојна во присуство на мали количества на кокаин - без да треба да се прават пософистицирани анализи. Гелот е составен од полимерни ланци кој меѓи себе се поврзани со со апамери (кратки пептиди кои се синтетизираат за да може да се зврзат со дадениот аналит). Во овој случај изтражувачите користеле апамери за кои силно може да се сврзи кокаинот.

Потврдено е „реликтите“ на Јованка Орлеанка се лажни! - Јованка Орлеанка е една од светците заштитници на Франција. Тоа што се сметаа за посмртни остатоци на оваа храбра жена која на времето била обвинета за ерес и била спалена на клада, неодамна се покажа дека не и припаѓаат неа. Всушност, со медицински, патолошки, генетски, биохемиски, зоолошки и археолошки методи на истражување било покажано дека тоа што некогаш се сметало дека се посмртни остатоци на Јованка Орлеанка, се всушност коски кои потекнуваат од човек и од мачка, а по потекло се од третиот век пред нашата ера од Египет. Резултатите од истражувањето биле неодамна публикувани во списанието Forensic Science International.

Голем дел од пластичните материјали кои се во широка употреба се поврзуваат со срцевите заболувања - Една студија направена во Centers for Disease Control and Prevention од САД покажува дека зголемената концентрација на супстанцата бисфенол А, која се наоѓа од различни пластични материјали, меѓу кои и пластични шишиња, се поврзува со срцеви заболувања.

Хемиско решавање на лавиринти - Во научниот свет решавањето на лавиринтите доминира во експерименталната психологија. Но сега и хемичарите замешаа прсти во оваа работа! Група од научници од Louisiana State University предводена од Bartosz A. Grzybowski покажала дека само една капка од киселина може успешно да го најде излезот од комплексен лавиринт. Овој пристап би можел да се користи како метода за вбризгување на микрофлуиди или, пак, за претворба на хемиската енергија во механичка.

Нов начин за отстранување на јаглерод диоксидот - Постојните процеси за врзување на CO2 вклучуваат реакции на формирање на карбонати, бикарбонати или каталитичка трансформација во органски супстанци како што се формалдехид и метанол. Elisabeth Bouwman и соработниците од Универзитетот во Лејден, Холандија, успеале да развијат каталитички процес во кој амбиенталниот CO2 се претвора во метил гликолат и во други органски супстанци. Кои понатаму би можеле да се користат за други намени.

Обоите ги вашите фасади со јаглерод диоксид! - Садењето на трева на крововите во некои земји би можело да помоге во правењето на домовите неутрални во однос на емисијата на јаглерод диоксид. Но, Rachel Armstrong од University College во Лондон смета дека има подобра идеја. Armstrong има создадено боја со растворање на соли и естери во масло. Ваквата боја може да реагира со јаглерод диоксидот од атмосферата и на таков начин како продукти се добиваат варовник и алкохол. Био-варовникот кој на овој начин се произведува не само што помага во отстранувањето на јаглерод диоксодот од атмосферата, туки и претставува дополнителна изолација.

Заглавениот ровер Spirit може да наскоро да престане да работи - Дизајнирани да функционираат за 90 дена роверите кои NASA ги испрати на Марс пред 6 години сè уште се во употреба. За жал роверот Spirit веќе подолго време е заглавен во песок и доколку неговите батерии не успеат да ја преживеат марсовската зима тој нема да може да остане операбилен уште многу долго. Opprtunity, роверот близнак, кој се наоѓа на спротивната страна од Марс сè уште е операбилен и ги изведува задачите кои научниците му ги задаваат.

Samsung, Dell, Lenovo, LG не успеале да ги остварат зацртаниите цели за отстранување на токсичните супстанци од нивниите производи - Овие четири големи имиња во електронската индустрија не успеале да ги отстранат поливинил хлоридот и бромираните супстанци (кои се користат како материјали со кои се намалува запалливоста на материјалите) од нивните производи до крајот на 2009 година, велат во Greenpeace. Овие хемикалии кои можат негативно да влијаат врз животната средина и врз човековото здравје. Доколку ве интересира како стојат светските компании во однос на заќувување на животната средина одберете ја оваа врска.

Постарите пломби кои содржат жива се помалку токсични - Една студија која неодамна беше публикувана во списанието Chemical Research in Toxicology вели дека пломбите кои содржат жива и кои се покриени со слој од сребро се помалку токсични. Амалгамите (легури на живата) во стоматологијата се користени околу еден век, но неодамна нивната употреба стана дискутабилна поради потенцијалната токсичност која се дожли на присуството на жива во нив.

Слатко задоволство без шеќер - Наоѓање на слатката точка во мозокот - Нискокалоричните засладувачи имаат изминато долг пат до тоа што денес претставуваат. Имено, денес по некогаш е тешко да се открие дали пијалокот е засладен со шеќер или со некој друг засладувач. Но, иако сетилото за вкус може да биде излажано, мозокот тоа не го дозволува. Две студии кои се направени независно покажуваат дека човековиот мозок различно реагира на дразбите предизвикани од обичниот шеќер (сахарозата) и на другите засладувачи.

Чекор поблизу до молекулска електроника - Со мали промени на енергијата на енергијата на молекулските орбитали научниците од Кореа и од САД демонстирале начин на кој само една молекула може да се однесува како што се однесуваат обичните транзистори кои се направени од силициум.

Седум жешки и радиоактивни подароци за вашите најмили! - За тоа колку лесто потрошувачите ги прифаќаат новите производи без при тоа да водат сметка за евентуалните последици по здравјето сведоци сме секој ден. Мобилните телефони, природната козметика и недоволно испитаната здрава исхрана се наше секојдневие. Во прилог ви ја нудима оваа врска која води до страницата на списанието Scientific American во која се дадени седум производи кои во првата половина на дваесетиот век биле добар избор за подарок. Помеѓу подароците ќе најдете: радиоактивна вода, козметички производи и чоколада кои содржат радиум, лабораторија за атомска енергија (прикажана на сликата), глазура за порцелан која содржи урианиум и др. Ова можеа на сите да ни послужи како поука за некритичкиот однос кон прифаќањето на нови производи.

Возилата кои како гориво користат етанол произведуваат повеќе озон од возилата кои користат гас - Етанолот чето пати се промовира како чист обновлив извор на енергија кој може да помогне во намалување на зависноста од фосилните горива. Според една студија направена на Универзитетот Станфорд, во САД согорувањето на етанолот произведува повеќе озон во споредба со обичниот бензин. Посебно во зима! Озонот во ниските слоеви од атмосферата може да предизвика здравствени проблеми кај луѓето, а тој исто така претставува и една до главните состојки на т.н. фотохемиски смог.