Farmahem - od 2001 sponzor na Hemija.net

Главна страница Линкови Периоден систем Книги и списанија Експерименти Нобеловци Форум Хумор Email
  Статии публикувани во 2008
  Статии публикувани во 2007
  Статии публикувани во 2006
  Статии публикувани во 2005
  Статии публикувани во 2004
  Статии публикувани во 2003
  Статии публикувани во 2002
  Статии публикувани во 2001
  Статии публикувани во 2000
  Врвни десет
  Внесете промена
  Cool страници
  Врвни десет
  Додадете нова страница
  Периодични списанија
  Книги од странски издавачи
  Книги од домашни издавачи

Супер бодликави соларни ќелии

Во една година, Земјата апсорбира околу 8000 пати повеќе енергија од сонцето отколку што е потрошена во светот во 2008 година. Сепак, поради големите трошоци и нискиот степен на ефикасноста на конверзијата на постојните технологии за соларни ќелии, треба уште многу да се работи за сончевата енергија да започне масовно да се користи.

Соларните ќелии базирани на микрожици претставуваат нова технологија која ја намалува цената на производство поради користење на помалку силициум. Намалувањето на цената на чинење се постигнува со подредување на силициумови жици со дебелина од околу еден микрон нормално на супстрат кој претставува диметилсилоксан со што ќелијата наликува на кревет од шајки. За споредба, кај традиционалните соларни ќелии силициумот е поставен паралелно со супстратот. Сепак, ефикасноста на овој дизајн на соларни ќелии до сега за сега изнесуваше само околу 3,4 отсто, а тоа е значително помалку од теоретски очекуваната ефикасност од 17 отсто.

Неодамна, Harry Atwater и неговиот тим од California Institute of Technology, демонстрираше ефикасност од 7,9 отсто кај овој вид на соларни ќелии, со користење на изолатор, кој ги минимизира рекомбинацијата на носителите на полнеж со користење на алуминиум оксидни честички за расејување на светлината помеѓу жиците и сребро како рефлектор кој ја спречува загубата на светлина во супстратот.

Изглед на силициумовите микрожици од кои се направени соларните ќелии.

И покрај нивните веќе импресивни резултати, истражувачите велат дека може да се постигне многу повисока ефикасност. „Знаеме дека се апсорбираат околу 50 отсто од фотоните,“ објаснува Nathan Lewis, еден од авторите. „Значи, со оптимизација на уредот ние би требало да достигнеме ефикасност до околу 15 отсто.“

Frederik Krebs, експерт за соларни ќелии на Техничкиот универзитет на Данска во Roskilde, е импресиониран од подобрувањата кои ги направиле истражувачите на кај овој вид на соларни ќелии и вели дека за изведените експерименти, спека, недостигаат техничките аспекти на изведената работата.

„Овде, тие навистина ги имаат димензиите [на жицата]“ вели тој. „Така што од таа гледна точка, мислам дека станува збор за навистина убава работа.“

Иако ова работа значи голем чекор напред, Lewis признава дека сѐ уште има можности за напредок пред оваа технологија да може да биде комерцијализирана. Првото нешто што истражувачите планираат да го сторат сега е да го оптимизираат дизајнот со изучување на физичките параметри, како што се оптималниот дијаметар на жицата растојанијата и др.

Литература

  • Morgan C. Putnam, Shannon W. Boettcher, Michael D. Kelzenberg, Daniel B. Turner-Evans, Joshua M. Spurgeon, Emily L. Warren, Ryan M. Briggs, Nathan S. Lewis and Harry A. Atwater, Energy Environ. Sci., 2010

 Статии

најнови
PepsiCo ги повлекува бромираните растителни масла од Gatorade
Нов начин на претворба на сулфурниот диоксид во сулфурна киселина
Стабилноста на арсенатната ДНК
Невидливо мастило за 21 век
Црниот TiO2 апсорбира светлина во целиот спектар
Тродимензионални графени

 Link.Hemija.net

најнови линкови
Збирка материјали за наставата во 21-от век (2010-05-20)
Academic Earth (2010-05-02)
Institute of Chemical Methodologies (2010-02-21)
Universitе des Sciences et de la Technologie HOUARI BOUMEDIENE (2010-02-21)
Beer's Law (2009-08-03)
British Antarctic Survey (2009-07-12)

 Хумор

најчитан
Смртта на биретата (4620 посети)
Карикатури (4605 посети)
Словенската и хемиската писменост (4590 посети)
Станувајќи алкохол (4586 посети)
Електрофилна адиција - молекулска драма (4582 посети)
Бисери на мудроста (4580 посети)

[Главна стана] [Стари статии] [Периоден систем] [Линкови]
[Нобеловци] [Форум] [Хумор] [E-mail]

© Hemija.net, Скопје, Македонија. Контакт: kontakt@hemija.net