Farmahem - od 2001 sponzor na Hemija.net

Главна страница Линкови Периоден систем Книги и списанија Експерименти Нобеловци Форум Хумор Email
  Статии публикувани во 2008
  Статии публикувани во 2007
  Статии публикувани во 2006
  Статии публикувани во 2005
  Статии публикувани во 2004
  Статии публикувани во 2003
  Статии публикувани во 2002
  Статии публикувани во 2001
  Статии публикувани во 2000
  Врвни десет
  Внесете промена
  Cool страници
  Врвни десет
  Додадете нова страница
  Периодични списанија
  Книги од странски издавачи
  Книги од домашни издавачи

Што е подобро: кафе или инстант кафе?

кофеин

4-(4-хидроксифенил)-2-бутанон

Кафето e еден од најпопуларните пијалаци во светот. Тоа претставува омилена течност за консумација на многумина, со енегизирачки кофеин, убав вкус, и прекрасен мирис кој е резултат на испарливи супстанци од типот на 4-(4-хидроксифенил)-2-бутанон кој му дава пријатна арома. Кај нас најчесто се приготвува кафе од сомелени зрна. Оние кои немаат доволно време на располагање, а последниве дваесетина години време во голема мерка ни недостига на сите, се решаваат за инстант кафе.

Јапонците го измислиле инстант кафето во почетокот на дваесеттиот век. Во текот на втората светска војна помеѓу американските војници се прошири Nescafé брендот на компанијата Nestlé.

Во 1963 Kraft, започна со производство на Maxwell House инстант кафе со користење на технологијата на ладно сушење за кое се тврдело дека на кафето му дава вкус кој е во поголема мерка сличен на класично приготвеното кафе. Во рок од неколку години поголемите производители на храна започнаа да произведуваат ваков тип на инстант кафе.

Да ги оставиме вкусот и мирисот на страна, најголемиот број од нас кафето го консумираат поради енергизирачката супстанца - кофеин. Според National Nutrient Database for Standard Reference, инстант кафето содржи околу две третини од кофеинот кој го содржи свежо приготвеното кафе. Но, содржината на кофеинот во кафето зависи од многу фактори меѓу кои видот на кафето, од степенот на дозреаност на зрното при бербата, од пржењето на кафето и на крај од начинот на приготвување. Имајќи ги сите овие фактори предвид може да заклучиме дека податоците за содржината на кофеинот во кафето се само приближни.

При производството на сите типови на инстант кафе, зрната на кафето најпрво се пржат, а потоа се варат во топла вода. Пред да се добие финалниот производ, односно инстант кафето, кислородот, како и нерастворливите честички најпрво мора да се отстранат. По ова, варивото се суши.

Вообичаен на кој ова се прави е со вбризгување на варивото низ сита со отвори со големина од околу 300 микро метри. Ситните капки понатаму паѓаат низ колони за сушење. При патување низ колоната кафето во потполност се суши и се претвора во прав. Колоните за сушење, инаку, се одржуваат под висок притисок и при температури од околу 270 ºC. Добиеното кафе во прав пред да се спакува се навлажнува уште еднаш за да се добијат покрупни гранули од кафето во прав.

При користење на технологијата на ладно сушење свареното кафе најпрво се смрзнува, па се ситни за да се добијат гранули со посакувана димензија. Вообичаено гранулите на инстант кафе имаат дијаметар од околу 3 mm. Гранулите кои се поголеми и помали од посакуваната димензија се топат и се смрзнуваат повторно. Гранулите со задоволителни димензии се ставаат во комори за сушење под намален притисок на температура од -50 ºC. При вакви услови водата се отстранува со сублимација.

При изведувањето на секој од овие процеси постои ризик за губење на кофеинот - супстанцата поради која овој пијалак е омилен. На пример, на атмосферски притисок кофеинот сублимира на температура од 180 ºC. Ова значи дека при производство на кафето во комори за сушење со користење на високи температури постои можност да се загуби не само кофеинот, туку и други супстанци кои му даваат арома на кафето. Без разлика на користениот процес на производство на финалниот производ се пакува во атмосфера на јаглерод диоксид или азот за да се намали присуството на кислород кој може дополнително да ја намали содржината на супстанците кои му ја даваат аромата на кафето.

Сета понеопходна обработка на кафето значи дека инстант кафето има мало количество кислород во себе и влага само околу 1 до 4 % - многу помалку одошто на микробите им е потребно за да се размножуваат, што на конечниот производ му дава рок на траење од околу две години.

Денес големите производители на инстант кафе го користат процесот на ладно сушење, но сѐ уште инстант кафето се смета за инфериорно во однос на свежо приготвеното кафе. Некои производители не го користат процесот на ладно сушење поради тоа што овој процес ја зголемува цената на чинење на инстант кафето за околу 35 %. Дополнително, процесот на ладно сушење е поскап и затоа што за производство на исто количество на инстант кафе (со методата на со користење на колоните за сушење), потребно е поголемо количество кафе и тоа со подобар квалитет на зрното.

Susan C. Jackels, професор по хемија од Seattle University која се занимава со истражувања поврзани со кафето вели дека зрната кои се користат за производство на некои типови на инстант кафе, не би можеле никако да се користат за производство на традиционалното кафе, затоа што плодовите на кафето кои се берат на крајот на сезоната не секогаш се потполно зрели, а несозреаните зрна на кафето му додаваат горчлив вкус и послаба арома.

За луѓето кои немаат време, секако, инстант кафето е вистински избор. За среќа јас наутро имам сѐ уште време за приготвување на кафето на традиционален начин.

 Статии

најнови
PepsiCo ги повлекува бромираните растителни масла од Gatorade
Нов начин на претворба на сулфурниот диоксид во сулфурна киселина
Стабилноста на арсенатната ДНК
Невидливо мастило за 21 век
Црниот TiO2 апсорбира светлина во целиот спектар
Тродимензионални графени

 Хумор

најчитан
Смртта на биретата (4642 посети)
Карикатури (4624 посети)
Станувајќи алкохол (4614 посети)
Електрофилна адиција - молекулска драма (4613 посети)
Словенската и хемиската писменост (4613 посети)
Бисери на мудроста (4601 посети)

 Link.Hemija.net

најнови линкови
Збирка материјали за наставата во 21-от век (2010-05-20)
Academic Earth (2010-05-02)
Institute of Chemical Methodologies (2010-02-21)
Universitе des Sciences et de la Technologie HOUARI BOUMEDIENE (2010-02-21)
Beer's Law (2009-08-03)
British Antarctic Survey (2009-07-12)

[Главна стана] [Стари статии] [Периоден систем] [Линкови]
[Нобеловци] [Форум] [Хумор] [E-mail]

© Hemija.net, Скопје, Македонија. Контакт: kontakt@hemija.net