Словенската и хемиската писменост

Што е право, право е сите знаеме дека словенската писменост потекнува од овие краеви и сите ние во Македонија сме горди на тоа. Затоа треба посебно внимание да обрнуваме на чистотата на зборот, изговорен или напишан, без разлика на кое место тој се појавува.

ЦО2 би требало да претставува хемиска формула на јаглерод диоксид

Покрај сите овие убави зборови, сепак, многу често на телевизија, радио и на рекламните паноа ширум земјава може да се забележи дека имаме кусок од познавањето на нашиот сопствен јазик. Ние, луѓето кој ја одржуваме оваа страница сме хемичари и не сме доволно стручни да зборуваме за чистотата на мајчиниот јазик, иако се обидуваме да ја зачуваме колку што знаеме и умееме. Но затоа, како хемичари, може со сигурност да потврдиме дека Македонија не е колевка на хемиската писменост. Кога веќе станува збор за хемиската писменост тука може да ви обрнеме внимание на некои пропусти.

Меѓу бисерите од овој тип е плакатот кој непосредно пред одржувањето на саемот Технома 2004 се појави на рекламниот простор пред Скопски саем каде хемиската формула на јаглерод диоксидот не само што е напишана на кирилица туку и бројот на атоми од кислород во неа е запишан како горен индекс! Сепак мора да признаеме дека луѓето во рекламните агенции не може да се стручни за сè и дека од време на време треба по некого и да консултираат.